रोज किती भारतीय पॉर्न साईट पाहतात ? नेमकं काय सर्च करतात ? अहवाल आहे वाचून घ्या.

आता तुम्ही म्हणाल च्यायला असल्या गोष्टी चार चौघात आणि सार्वजनिक रित्या बोलत असत्यात व्हंय. ह्या गोष्टी एकट्यानं चोरून, लपून बघायच्या असतात. मुळात असलं पाहणं हे लई वाईट असतं. त्याचा मनावर परिणाम होतो. त्यामुळे ह्या असल्या वंगाऴ गोष्टीची चर्चा नसते करायची. अन् त्यामुळेच भारत सरकारनं तब्बल 850 पॉर्न साईडवर बंदी घातली आहे.

पण असं असलं तरी कार्यकर्त्यांनो भारतातले जवळपास 9 कोटी लोक रोज पाॅर्न पाहतात अन् त्यामध्ये 30 टक्के महिलांचा ही समावेश आहे. असं जगप्रसिद्ध असलेली पॉर्न हब या वेबसाईटनं 2018 च्या दिलेल्या त्याच्या अहवालात सांगितल होतं. 

आत्ता एखाद्या घोटाळ्याचा अहवाल कधी जनतेसमोर येईल तो येईल पण तुर्तास आम्ही तुमच्यापुढे पॉर्न हब या जगलोकप्रिय साईटचा अहवाल तरी मांडतो.

पॉर्न हब ही एक पॉर्नची बेवसाईट आहे. ती काय करते दरवर्षी आपल्या वेबसाईटवर किती लोक पॉर्न पाहतात. त्यात महिला किती असतात. कोणता देशातले लोक जास्त पॉर्न पाहतात. जास्त कोणते अक्षर सर्च करतात. असल्या सगळ्या गोष्टीचा अहवाल देत असते. या अहवालात आपला भारत एकदम आघाडीवर आहे. वीस देशाच्या यादीत आपल्या देशानं तीसऱ्या क्रमांकावर झेप घेतलेली आहे.

बाकी कोणत्या गोष्टीत आपण अव्वल असो किंवा नसो मात्र इथं आपला अमेरिका पाठोपाठ नंबर लागतोय. म्हणजेच चांगल्याच प्रगतीपथावर आहोत आपण.

नेमकं आपले लोक काय सर्च करतात. 

आपल्या देशात इंग्रज लई वर्ष राहून गेले असले तरी आपला आणि इंग्रजीचा छत्तीसचा आकडा आहे. तसंही त्यांच्या साईटवर A पासून ते Z पर्यंत तसल्या लई मोठ्या कॅटेगिरी असतात.

तंसही त्यांनी पण ह्या असल्या कॅटेगिरी आपल्या कामसुत्र य़ा ग्रॅंथामधुनच घेतल्या आहेत म्हणा. फक्त त्यांच्याकडं कॅमेराचा लवकर शोध लागला म्हणून ते जगासमोर आलं. मात्र ते काहीही असंल तरी आपल्या इथलंच्या लोकांना त्याच्या कॅटेगिरी जास्त आवडत नाही असं त्या अहवालातून दिसतंय.

कारण आपल्या लोकांचा देशी गोष्टीवर जास्त भरवशा आहे आणि रामदेव बाबाही देशी मालाचे पुरस्कर्ते आहेत. ते मुळे हे असेल म्हणा. पण या वर्षी सगळ्यात जास्त भारतातल्या लोकांनी सर्च केलेला शब्द म्हणजे इंडियन, ‘इंडियन काॅलेज गर्ल्स’ आणि  ‘हाॅट सेक्सी टिचर’ हा आहे.

2017 मध्ये ‘भारतीय पत्नी’, ‘भारतीय भाभी देवर’ हे होते. असं त्यांनी अहवालात सांगितलंय.

त्यामुळे आपले लोक देशी गोष्टीवर जास्त भर देतांना दिसतात.

कोणत्या पॉर्न स्टार जास्त आवडतात. 

आपल्या लोकांस्नी बोटावर मोजक्या इतक्याच पॉर्न स्टार माहित असतात. त्यातही आपले लोक जास्त देशी मालाचे पुरस्कर्ते असल्यामुळे भारतीय वंशाची कार्यकर्ती सनि लियोनी जवळपास सगळ्यांनाच माहित असते.

तसंही ती सध्या भारतात राहायला आलेली आहे. बाँलिवूडमध्य़े बऱ्यापैकी काम करायला लागलीय. अन् तीच्या संघर्षाची बायोग्राफीही आली होती. त्यामुळे ती आपल्या लोकांना चांगल्यापैंकी माहित झालीय.

तीनं आता आपला जुना व्यवसाय सोडला असला तरी तीची जुनी केलेली कष्टाची कामं या वेबसाईटवर लोकांच्या हितासाठी म्हणा किंवा सुखासाठी म्हणा उपलब्ध केलेली आहेत. त्यामुळे सनि लियोनीला आपले लोक जास्त प्रमाणात न्याय देतांना दिसतात.

त्यामुळे 2018 मध्ये सगऴ्यात जास्त सनि लियोऩी आणि तीच्या खालोखाल मिया खलिफा बाईंना आपल्या लोकांनी सर्च केलेलं आहे.

नेमकं या साईटकडून आपल्या लोकांच्या मागण्या काय आहेत.

सध्या आपल्या इथलंच्या सगळ्याच लोकांकडं स्मार्ट फोन आहेत. अंबानीनं आपल्या लोकांवर जिओ कार्ड देऊन मोठी मेहरबानी केली. त्यामुळे डाटाच डाटा आपल्या लोकांना उपलब्ध झालाय.

5 MB चा व्हिडिओ डाऊनलोड करायला आम्हांस्नी गच्चीवर तासंतास ताटकळत उभं राहावं लागायचं. 1KB स्पिड असायचं. एवढं कष्ट केल्यानंतर आमच्या हातात 3GP व्हिडिओ पडायचा. मात्र आता अंबानीच्या कृपेमुळे गोधड्यात झोपलं तरी मिनीटात व्हिडिओ डाऊनलोड होतोय.

पण ऑक्टोबरमध्ये जिओ आणि एअरटेल या कंपन्यांनी या प्रमुख साईटवर भारतात बंदी घातली होती. त्यानंतर लगेच या वेबसाईटनं आपल्या युझरसाठी दुसरं डोमेन उपलब्ध करून दिलं होतं.

त्यामुळे आपले लोक जास्त करून HD गोष्टीवर भर देतात. त्यात सगळा पारदर्शक कारभार असतो. एकदम स्पष्ट दिसतं. indian HD s*x’, ‘hindi se*y video HD’, and ‘hd x hindi video’ अशा गोष्टीची आपल्या लोकांची मागणी आहे. असं त्यांनी अहवालात दिलंय.

तरूण पोरांची संख्य़ा किती असते.

भारत हा तरूणांचा देश आहे. यात प्रत्येकालाच गर्लफेंण्ड असेल असंही नाही. त्यामुळे सिंगल लोकांचे लई वांदे असतात आणि ह्या वयात हात आणि ह्या वेबसाईट हाच पोरांचा साथी असतो.

त्यामुळे इकडं सुद्धा आपल्या तरूण पोरांची जास्त भरती आहे. या वेबसाईटवर जाणारे 50 टक्के पोरं हे 25 वर्षाखालील आहेत. तर 29 वर्षाचे 85 टक्के लोक ह्या वेबसाईटवर पाॅर्न पाहतात.

मात्र भारतीय सणांवेळी ही वेबसाईट जराशी तोट्यात जाते. कारण त्यावेळी या वेबसाईटवर जास्त प्रमाणात ट्रॅफिक नसतं. मागच्या होळीच्या सणाला 15 टक्क्यांनी हे ट्रँफीक कमी झालं होतं. असं त्यांनी अहवालात सांगितलं होतं.

सध्या काहीच्या मोबाईलमध्ये ह्या साईड उघडत नाहीत किंवा सीम कार्डवर कंपनीनं असल्या गोष्टी करण्यापासून बॅन घातलेला आहे. मात्र इंटरनेटचं मायाजाळ एवढ्या मोठ्या प्रमाणात पसरलेलं आहे. त्यामुळे या गोष्टींना प्रतिबंध घालणं कठीण आहे. त्यामुळे खरे रसिक हे या वेबसाईटला न्याय देऊन आपलं कर्तव्य बजावत अशा अहवालांना हातभार लावण्याच काम करत असतातच.

हे ही वाच भिडू. 

LEAVE A REPLY

Please enter your comment!
Please enter your name here